Breaking News
Home / Gossip / මහ ඇමතිට ඉල්ලා අස් වෙන්නම වෙයි

මහ ඇමතිට ඉල්ලා අස් වෙන්නම වෙයි

නැගෙනහිර පළාත් ප්‍රධාන ඇමැති නසීර් අහමඩ් මහතා තමන් කළ වරද නිහතමානීව පිළිගෙන මහ ඇමැති ධුරයෙන් ඉල්ලා අස්‌ නොවුණහොත් නැගෙනහිර පළාත් සභාව තුළ ළඟදීම බල පෙරළියක්‌ සිදුවනු ඇතැයි ශ්‍රී ලංකා නිදහස්‌ පක්‍ෂයේ ජ්‍යෙෂ්ඨ ප්‍රකාශකයෙක්‌  ඊයේ (1 දා) පැවැසීය.නැගෙනහිර පළාත් ප්‍රධාන අමාත්‍ය නසීර් අහමඩ් මහතා පළාත් ආණ්‌ඩුකාර ඔස්‌ටින් ප්‍රනාන්දු මහතා සමග ඇතිකරගෙන ඇති ගැටුම මීට හේතුවී ඇත.

මුස්‌ලිම් කොංග්‍රසය නියෝජනය කරන නසීර් අහමඩ් මහතාට නැගෙනහිර පළාත් ප්‍රධාන ඇමැති ධුරය හිමි වූවේ එක්‌සත් ජනතා නිදහස්‌ සන්ධානය සමග මුස්‌ලිම් කොංග්‍රසය ඇතිකර ගෙන තිබූ එකඟතාව මතයි.

නසීර් අහමඩ් මහතාගේ ක්‍රියා කලාපය සම්බන්ධයෙන් මුළු රටෙන්ම විරෝධය එල්ල වීමත් සමග ශ්‍රී ලංකා මුස්‌ලිම් කොංග්‍රසයේ නායක අමාත්‍ය රාවුෆ් හකීම් මහතාද ඔහුගේ ක්‍රියාව හෙළා දකිමින් වහාම සිංහල ජනතාවගෙන් මහ ඇමැතිවරයා සමාව ගතයුතු බව සඳහන් කර තිබිණි.

මේ වන විට මහ ඇමැතිවරයාව ඉල්ලා අස්‌වන ලෙස මුස්‌ලිම් කොංග්‍රසයෙන්ද දැඩි බලපෑම් එල්ල වෙමින් තිබේ.

නැගෙනහිර මහ ඇමැති ධුරය මුස්‌ලිම් කොංග්‍රසය සතුව දිගටම තමා ගැනීමට නම් මහ ඇමැතිවරයා ඉල්ලා අස්‌වී එම පක්‍ෂයේම වෙනත් මන්ත්‍රීවරයකුට ධුරය ලබාදීම එකම විකල්පය බව ශ්‍රී ලංකා නිදහස්‌ පක්‍ෂයේ ඇමැතිවරයා පැවැසීය. එසේ නොවී මහ ඇමැතිවරයා බලයේ රැඳී සිටීමට උත්සාහ කළහොත් ජනාධිපතිවරයා ළඟදීම තීන්දුවක්‌ ගනු ඇතැයිද ඇමැතිවරයාගේ අදහස විය.

About Tech Lanka

Check Also

untitled-1

“මම ගෙනාව මල්ලේ සියබලා තිබුනේම නැද්ද?” ජනපති අසයි- (VIDEO)

ඉකුත්දා පැවති රාවය 30 වන සංවත්සරයේදී ජනපතිතුමා බොහෝ කතාවලට පිළිතුරු ලබා දෙන්න ජනාධිපතිතුමාගේ කතාවේදී පිළිතුරු …

Leave a Reply

Your email address will not be published. Required fields are marked *

Close