Breaking News
Home / Gossip / මහින්ද ළඟ සිටි හමුදා සෙබළුන්ට අපරාධ චෝදනා

මහින්ද ළඟ සිටි හමුදා සෙබළුන්ට අපරාධ චෝදනා

හිටපු ජනාධිපති මහින්ද රාජපක්ෂ මහතාගේ ආරක්ෂාවට යොදා සිට පසුගියදා ඉවත් කරනු ලැබූ යුද්ධ හමුදා භට පිරිසෙන් වැඩි පිරිසකට බරපතළ අපරාධ හා වෙනත් වැරදි ගණනාවකට අදාළ චෝදනා එල්ල වී ඇති බව ආරක්ෂක අමාත්‍යාංශ ආරංචි මාර්ග සඳහන් කරයි.

දැනට රහස් පොලිසිය, මූල්‍ය අපරාධ කොට්ඨාසය, අල්ලස් හෝ දූෂණ විමර්ශන කොමිසම සහ යුද්ධ හමුදාව මඟින් සිදු වෙමින් පවතින පරීක්ෂණ ගණනාවකට එම යුද්ධ හමුදා සාමාජිකයන්ගේ සබඳතාවයන් ඇති බව අනාවරණය වී තිබේ.

එහිදී බරපතළම ගණයේ අපරාධ කිහිපයකටම එම හමුදා සාමාජිකයන්ගේ සහභාගීත්වයක් ඇති බව අනාවරණය වී ඇති අතර ඉදිරියේ දී ඔවුන් එම පරීක්ෂණවලට සම්බන්ධ කැර ගැනීමට ද නියමිතව තිබේ.

තවද හමුදාමය නීති රීති කඩ කරමින් හමුදා විනය ඉක්මවා යන ලෙස කටයුතු කළ බවට චෝදනා ලබන හමුදා සාමාජිකයන් ගණනාවක් ද මෙහි සිටි අතර ඔවුන් බොහෝ අවස්ථාවල සිදු කැර ඇති වැරැදිවලට කිසිදු අවස්ථාවක කිසිදු නීතිමය පියවරක් ගෙන නොමැත.

මෙසේ හමුදා නීති රීති සහ විනය කඩ කළ හමුදා සාමාජිකයන් කිහිප දෙනෙකු සම්බන්ධයෙන් යුද්ධ හමුදාව මඟින් පරීක්ෂණ ද ආරම්භ කැර තිබේ.

යුද්ධ හමුදා සේවයේදී ඉපැයිය නොහැකි තරම් අති විශාල ධනස්කන්ධයක් උපයා ඇති හමුදා සාමාජිකයන් ගණනාවක්ද එම ආරක්ෂක භට පිරිස අතර වෙයි.

හිටපු ජනාධිපතිවරයාගේ ආරක්ෂක භටයන් ලෙස ක්‍රියා කළ කාලය තුළ එම හමුදා භටයන් මෙතරම් විශාල ධනයක් ඉපැයුවේ කෙසේද යන්න සම්බන්ධව ඔවුන්ට එරෙහිව අල්ලස් හෝ දූෂණ විමර්ශන කොමිසම යටතේ පරීක්ෂණ සිදු වෙයි.

තවද ජනාධිපති ආරක්ෂක සේවාවේ යෙදී සිටි කාලය තුළ තවත් හමුදා සාමාජිකයන්, හිටපු හමුදාපතිවරු, ජ්‍යෙෂ්ඨ හමුදා නිලධාරීන් හා වෙනත් ඉහළ නිලධාරීන්ගේ අණ නොතකා ක්‍රියා කර ඇති බවටත් ඔවුන්ට එරෙහිව කිසිදු නීතිමය පියවරක් ගැනීමට නොහැකිව ඔවුන් හමුදා නීතියට එහා යමින් කටයුතු කැර ඇති බවටත් චෝදනා ලබයි.

එවැනි වැරදිවලට චෝදනා ලබමින් සිටින එම හමුදා සාමාජිකයන්ට ඉදිරියේදී එම පරීක්ෂණවලට මුහුණදීමට සිදුවනු ඇතැයිද ආරක්ෂක අමාත්‍යාංශ ආරංචි මාර්ග තවදුරටත් සඳහන් කරයි.

About Tech Lanka

Check Also

untitled-1

“මම ගෙනාව මල්ලේ සියබලා තිබුනේම නැද්ද?” ජනපති අසයි- (VIDEO)

ඉකුත්දා පැවති රාවය 30 වන සංවත්සරයේදී ජනපතිතුමා බොහෝ කතාවලට පිළිතුරු ලබා දෙන්න ජනාධිපතිතුමාගේ කතාවේදී පිළිතුරු …

Leave a Reply

Your email address will not be published. Required fields are marked *

Close