Breaking News
Home / Gossip / ඒකාබද්ධ විපක්ෂයේ ඉල්ලීම ඉටු වෙයි

ඒකාබද්ධ විපක්ෂයේ ඉල්ලීම ඉටු වෙයි

ඒකාබද්ධ විපක්ෂයේ පාර්ලිමේන්තු කණ්ඩායමේ සිටින දේශපාලන පක්ෂ නායකයින් පාර්ලිමේන්තුවේ පක්ෂ නායකයින් ලෙස පිළිගනිමින් ස්ථාවර නියෝග 23(2) යටතේ විශේෂ ප්‍රකාශ සිදු කිරීමට එම පක්ෂ නායකයින්ට ඉඩ ලබාදීමට අග්‍රාමාත්‍ය රනිල්  වික්‍රමසිංහ මහතා සහ ජනාධිපති මෛත්‍රීපාල සිරිසේන මහතා අතර පැවැති විශේෂ සාකච්ඡාවේ දී එකඟ වී ඇති බව ඒකාබද්ධ විපක්ෂයේ පාර්ලිමේන්තු මන්ත්‍රී වාසුදේව නානායක්කාර මහතා පැවසුවා.

එබැවින් ඒකාබද්ධ විපක්ෂයේ මන්ත්‍රී කණ්ඩායම පාර්ලිමේන්තුවේ ඉදිරියට සිදු කිරීමට නියමිත විරෝධතා නතර කිරීමට පියවර ගන්නා බව ද මන්ත්‍රීවරයා සඳහන් කළා.

මෙම කණ්ඩායම පාර්ලිමේන්තුවේ වෙනම ස්වාධීන කණ්ඩායමක් ලෙස පිළිගැනීම හැර අනෙකුත් සියලු ඉල්ලීම්වලට එකඟ වූ බවයි එහිදී පැවසුනේ. 

ඒ අනුව ඒකාබද්ධ විපක්ෂයේ සිටින පක්ෂ නායකයින්ට ජාතික වැදගත්කමකින් යුතු ප්‍රකාශ කිරීමට ස්ථාවර නියෝග 23(2) යටතේ පාර්ලිමේන්තුවේ දී ඉඩ ලැබෙනු ඇති. ඊට අමතරව පක්ෂ නායක රැස්වීම් සඳහා සහභාගිවීමට හැකියාව ලැබෙනවා.

එසේම පාර්ලිමේන්තුවේ ‍පොදු ව්‍යාපාර කාරක සභාව, රාජ්‍ය ගිණුම් කාරක සභාව ඇතුළු කමිටුවල සාමාජිකයින් ලෙස ඒකාබද්ධ විපක්ෂයේ මන්ත්‍රීවරුන් පත්කිරීමේ හැකියාවද ලැබී තිබෙනවා.

මෙම කමිටු සඳහා දැනට පත්කර ඇති මන්ත්‍රී නියෝජිතයින්ට අතිරේකව තවත් මන්ත්‍රීවරු 5 බැගින් පත් කිරීමට නියමිත අතර ඉන් දෙදෙනකු පත්කිරීමේ අවස්ථාව ඒකාබද්ධ විපක්ෂයට ලැබෙනු ඇති.

 

About Tech Lanka

Check Also

untitled-1

“මම ගෙනාව මල්ලේ සියබලා තිබුනේම නැද්ද?” ජනපති අසයි- (VIDEO)

ඉකුත්දා පැවති රාවය 30 වන සංවත්සරයේදී ජනපතිතුමා බොහෝ කතාවලට පිළිතුරු ලබා දෙන්න ජනාධිපතිතුමාගේ කතාවේදී පිළිතුරු …

Leave a Reply

Your email address will not be published. Required fields are marked *

Close